پاک فضائیہ کا ہرکولیس ر ائل ایئر ٹیٹو شو 2018ء میں مقابلے کیلئے برطانیہ پہنچ گیا

اسلام آباد (نمائندہ نوائے وقت) خوبصورت رنگوں سے پینٹ کیا گیا پاک فضائیہ کا ایک C-130 طیارہ رائل انٹرنیشنل ٹیٹو شو میں شرکت کیلئے رائل ایئر فورس بیس فیئر فورڈ (برطانیہ) پہنچ گیا۔ پاک فضائیہ کے شہرہ آفاق نمبر 6 اسکواڈرن سے تعلق رکھنے والا یہ طیارہ Concours D' Elegance ٹرافی کے مقابلے کیلئے رائل انٹر نیشنل ٹیٹو شو میں شرکت کر رہا ہے جو عوام کیلئے 13جولائی سے 15 جولائی تک جاری رہے گا۔ اس سال ایئر شو کا مقصد رائل ایئر فورس کی صد سالہ خدمات کو خراجِ تحسین پیش کرنا ہے۔ پاک فضائیہ کے ایئر اور گراؤنڈ کریو و پر مشتمل ایک دستہ اس شو کے مختلف مقابلوں میں حصہ لے گا۔ یہاں یہ اَمر قابل ذکر ہے کہ پاک فضائیہ کے C-130 طیارے نے 2016ء میں یہ ٹرافی جیتی تھی ۔