لاہور:نواز شریف اورمریم نواز کی آمد,سیکیورٹی کے غیرمعمولی انتظامات,میٹرو بس سروس بھی معطل

سابق وزیراعظم نواز شریف اور ان کی صاحبزادی مریم نواز کی آمد سے قبل لاہور اور اسلام آباد میں سیکیورٹی کے غیرمعمولی انتظامات کیے گئے ہیں ۔ جب کہ لاہور میں میٹرو بس سروس بھی معطل کر دی گئی  ہے۔لاہور کی مختلف شاہراہوں پر بڑی تعداد میں کنٹینرز رکھ دیے گئے  ہیں جب کہ شہر بھر میں سیکیورٹی کے انتہائی سخت انتظامات کیے گئے  ہیں ۔ پولیس اور رینجرز کی بھاری نفری لاہور ایئر پورٹ پہنچ گئی جہاں شام سوا 6 بجے تک نواز شریف کی آمد متوقع ہے ۔ میٹرو بس انتظامیہ نے کہا کشیدہ صورتحال کے باعث بس سروس دن بھر بند کرنا پڑے گی۔