لاس اینجلس (اے پی پی) فلوریڈا میں واقع معروف تفریح گاہ ڈزنی ورلڈ کو کھول دیا گیا ہے ۔امریکی ذرائع ابلاغ سے بات کرتے ہوئے ڈزنی ورلڈ کے ترجمان نے بتایا کہ ڈزنی ورلڈ کے دو حصوں میجک کنگڈم اور چڑیا گھر عام پبلک کے کھول دیا گیا ہے جبکہ ایپ کوٹ اور ہالی ووڈ سٹوڈیوز کو چند دن تک کھول دیا جائے گا ۔ڈزنی ورلڈ کو کھولتے ہوئے طئے شدہ احتیاطی تدابیر پر پوری طرح عمل کیا جائے گا یہاں داخلے اور گھومنے پھرنے کے لیے نئے ضابطے بنائے گئے ہیں۔انہوں نے مزید بتایا کہ ڈزنی ورلڈ میں داخلے کے لیے ڈزنی پارک پاس استعمال کیے جائیں گے جن کی پیشگی ریزرویشن کروانا ہو گی۔واضع رہے کہ ڈزنی ورلڈ میں داخلے کا فیصلہ پارک کے اندر موجود لوگوں کو مد نظر رکھتے ہوئے کیا جائے گا۔