لاہور(نمائندہ سپورٹس+سپورٹس رپورٹر) پاکستانی نژاد باکسر حمزہ شیراز نے برطانوی مدمقابل کو ہرا کر یورپین سپرواٹرویٹ چیمپئن ٹائٹل جیت لیا۔اکیس سالہ باکسر حمزہ شیراز نے یورپین سپرویلٹرویٹ چیمپئن کا ٹائٹل اپنے مدمقابل برطانوی باکسر پال کین کو 6 راونڈز کے مقابلے میں شکست سے فاش کرکے حاصل کیا۔ناقابل شکست حمزہ شیراز ابھی تک کوئی فائٹ نہیں ہارے، پاکستانی نژاد باکسر نے میڈیا سے گفتگو کرتے ہوئے کہا کہ فتح کرونا وائرس سے جاں بحق ہونے والی خالہ کے نام کرتا ہوں۔ پروازیں بحال ہونے کے بعد پاکستان کا بھی دورہ کروں گا۔خیال رہے کہ پاکستانی نژاد برطانوی باکسر حمزہ شیراز ڈبلیو بی او سپر ویلٹر ویٹ کیٹگری میں یورپی چیمپئن بھی ہیں اور یہ ٹائٹل بھی انہوں نے ایک اور برطانوی باکسر ریان کیلی کو ہرا کر اپنے نام کیا تھا۔