موٹرسائیکل سواردونامعلوم افرادکی پولیس گشت پارٹی پر فائرنگ،،مقدمہ درج

گوجرخان(نامہ نگار)پولیس ترجمان کے مطابق ڈھوک جبوکسی میں بسلسلہ گشت پولیس اہلکار ڈیوٹی سرانجام دے رہے تھے کہ رات اڑھائی بجے دو نامعلوم بدون نمبر موٹرسائیکل سوار وں کو پولیس نے چیکنگ کے سلسلہ میں رکنے کا اشارہ کیا توموٹرسائیکل سواروں نے رکنے کی بجائے پولیس اہلکاروں پر سیدھی فائرنگ شروع کر دی گولیاں پولیس گاڑی کو لگیں جبکہ تمام اہلکار معجزانہ طورپر محفوظ رہے ملزمان فائرنگ کرتے ہوئے فرار ہونے میں کامیاب ہوگئے پولیس تھانہ گوجرخان نے نامعلوم افراد کیخلا ف 324/353/186 ت پ کے تحت مقدمہ درج کر لیا اور ملزمان کی تلاش شروع کر دی .