کراچی(اسپورٹس رپورٹر) مظہر جبلپوری انٹرا اکیڈمی سیون اے سائیڈ ہاکی لیگ میں گزشتہ روز کھیلے گئے میچز میں تبسم پینتھرز اور صابر ٹائیگرز کی ٹیمیں کامیاب، امتیاز ڈولفینز اور عظیم فیلکنز کا میچ 1-1گول سے برابر رہا ۔ اولمپیئین عبدالحسیم خان، پاکستان انسٹیٹیوٹ آف ہاکی کے چئیرمین رانا مشتاق احمد مہمان خصوصی تھے،پہلے میچ میں تبسم پینتھرز نے شعیب لائنز کو بآسانی چار گول سے شکست دیدی، فاتح ٹیم کی جانب سے شہیر انعام اور فرذاق نے دو، دو گول اسکور کئے، دوسرے میچ میں صابر ٹائیگرز نے علی ایگلز کو ایک کے مقابلے میں چار گول سے ہرایا جبکہ تیسرا میچ جو کہ امتیاز ڈولفینز اور عظیم فیلکنز کے مابین کھیلا گیا تھا، 1-1 گول سے برابر رہا. اس موقع پر مہمانوں کو الصغیر ہاکی کلب کی انتظامیہ کی جانب سے پھولوں کا تحفہ دیا اور اجرک پہنائی گئی، اس موقع الصغیر نارتھ کراچی ہاکی اکیڈمی کے ہیڈ کوچ مسرور جاوید ، حاجی یونس صدیقی، نصرت حسین اور الصغیر ہاکی کلب کے سینئر اور جونیئر کھلاڑیوں کی بڑی تعداد بھی اسٹیڈیم میں موجود تھی۔