تیسرا ون ڈے آج شاہین پہلی فتح انگلش ٹیم وائٹ واش کیلئے پر عزم

لاہور( سپورٹس رپورٹر)پاکستان اور انگلینڈ کے درمیان سیریز کا تیسرا اور آخری ون ڈے آج برمنگھم میں کھیلا جائے گا، میزبان انگلش ٹیم نے وائٹ واش پر نظریں جما لیں۔جبکہ قومی ٹیم سیریز میں پہلی فتح کا عزم لئے میدان میں اترے گی۔ پاکستان اور انگلینڈ برمنگھم کے میدان میں سہ پہر پانچ بجے میدان میں اتریں گی، دونوں ٹیموں نے تیاریاں مکمل کر لیں۔میزبان کھلاڑیوں نے سیریز جیت لی اور گرین شرٹس کیخلاف کلین سویپ کرنے کا دعویٰ کر دیا۔ جبکہ دوسری جانب قومی کھلاڑیوں نے سیریز کا اختتام جیت پر کرنے کا عزم ظاہر کر دیا۔