چیمبر آف کامرس کے الیکشن میں صدر کارپوریٹ کلاس سے ہونگے :  راجا اسد نسیم 

ر حیم یار خان (بیورو رپورٹ ) رحیم یار خان چیمبر آف کامرس اینڈ انڈسٹری کے الیکشن برائے سال 2021-22کیلئے مقرر الیکشن کمیشن نے کہا کہ سال 2021-22کے الیکشن میں صدر کارپوریٹ کلاس سے ہونگے جبکہ سینئر نائب صدر ایسوسی ایٹ کلاس سے منتخب ہوں گے۔حافظ راجا اسد نسیم ممبر الیکشن کمیشن نے کہا کہ الیکشن شیڈول کے مطابق پولنگ 18ستمبر بروز ہفتہ کو چیمبر ہال میں کروائی جائیگی۔ ممبر الیکشن کمیشن منیب فاروق کمبوہ ٗمحمد عثمان اظہر سیکرٹری جنرل رحیم یار خان چیمبرنے کہا کہ اس سال الیکشن 06کارپوریٹ کلاس اور06ایسوسی ایٹ کلاس کی نشستوں پر ہو گا جبکہ خواتین کی نشستوں کیلئے 01نشست پر الیکشن منعقد ہو گا۔ انہوں نے کہا کہ اس سال ریکارڈ ممبر شپس ہوئی ہیں جو کہ چیمبر کی ترقی میں ایک خوش آئند علامت ہے۔