لاہور(سپورٹس رپورٹر)سری لنکن ٹیم کے کپتان کرونارتنے نے کہا ہے کہ پاکستان کرکٹ ٹیم آسٹریلیا سے زیادہ مضبوط حریف ہے کیونکہ وہ سپن کو زیادہ اچھا کھیلنے کی صلاحیت رکھتے ہیں۔ بابراعظم بہترین فارم میں ہیں جبکہ اوپنر امام الحق اور یاسر کی بھی واپسی ہوئی جس سے پاکستان کو فائدہ ہوگا۔ دنیش چندیمل سے کہا تھا کہ وہ ایک بڑی اننگز کیساتھ آئیں، پچھلے کچھ سال سے وہ کامیاب نہیں ہوپارہے تھے لیکن آسٹریلیا کیخلاف اننگز سے انکا اعتماد بحال ہوا ہے۔جب آپ کا سینئر کھلاڑی فارم بحال کررہا ہوتا ہے تو بطور کپتان چیزیں آسان ہوجاتی ہیں، اینجلو میتھیوز ناکام ہو سکتے ہیں، میں ناکام ہوسکتا ہوں لیکن مجھے معلوم ایک کھلاڑی ٹیم کیلئے فائٹ کرے گا تو تسلی ہوجاتی ہے۔