میر پور خاص( نامہ نگار) نشان حیدر کا اعزاز حاصل کرنے والے پاک فوج کے شیر دل جوان کیپٹن کرنل شیر خان شہید کا  یوم شہادت  ملک بھر  کی طرح میر پور خاص بھی میں منایاگیا۔ کیپٹن کرنل شیر خان نے 1999 ء میںبھارت کے خلاف کارگل کے معرکے میںاپنی جان کا نذرانہ پیش کرکے پاک فوج کا اعلیٰ ترین اعزاز نشان حیدر حاصل کیا۔کیپٹن کرنل شیر خان شہید 1970 ء  کو صوابی میں پید اہوئے ان کے والدین نے پاک فوج کی محبت میں ان کا نام ہی کرنل شیر خان رکھ دیا۔ پی پی آئی کے مطابق  1999 ء  میں بھارت کے ساتھ کارگل کی جنگ کے دوران مادر وطن کا دفاع کرتے ہوئے  اپنی جان کا نذرانہ پیش کیا ان کے جراًت و بہادری کے اعتراف میں پاک فوج کے سب سے بڑے اعزاز نشان حیدر سے نوازا گیا۔