کراچی(پی پی آئی)کراچی میں بارش ہوتے ہی کے الیکٹرک کے 200 فیڈرز ٹرپ کرگئے اور شہر قائد کے مختلف علاقوں میں بجلی کی فراہمی معطل ہوگئی ہے۔پی پی آئی کے مطابق کراچی میں بارش ہوتے ہی کے الیکٹرک کے 200 فیڈرز ٹرپ کرگئے اور شہر قائد کے مختلف علاقوں میں بجلی کی فراہمی معطل ہوگئی ۔کراچی میں حسب روایت پانی کی پہلی بوند پڑتے ہی مختلف علاقوں میں بجلی بند ہونا شروع ہوگئی۔سرجانی ٹائوں، نارتھ کراچی، سرسید ٹاؤن، اورنگی ٹاؤن، گڈاپ، گلشن اقبال، فیڈرل بی ایریا، ناظم آباد، کاٹھور، نصرت بھٹو کالونی میں بجلی بند ہے۔پی پی آئی کے مطابق ان علاقوں کے علاوہ اولڈ سٹی ایریا، لیاری، لیاقت آباد، غریب آباد، موسیٰ کالونی، اورنگ آباد، جیکب لائنز، گارڈن اسکیم 33 میں بھی بجلی کی فراہمی معطل ہوگئی ہے۔بارش کے علاوہ بھی شہر کے مختلف علاقوں میں 12 بارہ گھنٹے کے لئے بجلی بند کی جارہی ہے اور لوڈ شیڈنگ سے مستثنیٰ علاقوں میں بھی دن میں 3 بار لوڈ شیڈنگ کی جارہی ہے، ۔بجلی کی طویل بندش کے باعث شہری شدید اذیت کا شکار ہیں بالخصوص گھروں اور اسپتالوں میں موجود بیمار افراد کو شدید مشکلات کا سامنا کرنا پڑ رہا ہے۔