زرداری پر تنقید سے پہلے عمران اور حواری اپنے گریبان میں جھانکیں‘ کامران یوسف 

گگو منڈی(نامہ نگار)آصف زرداری پر تنقید کرنے سے پہلے عمران خان اور پی ٹی آئی کے دیگر لیڈرز اپنے گریبان میں جھانکیں سابق وزیر اعظم اور ان کی اہلیہ کو فرح گوگی کے ذریعہ کی گئی کرپشن کا حساب دینا پڑے گا ان خیالات کا اظہار صدر پیپلز پارٹی تحصیل بورے والا چوہدری کامران یوسف گھمن نے صحافیوں سے گفتگو کرتے ہوئے کیا انہوں نے کہا کہ فرح گوگی نے پنجاب میں اربوں روپے کی کرپشن کر کے بنی گالا پہنچائے آصف زرداری پر عمران خان کے الزامات کی کوئی حقیقت نہیں ہے عمران خان پنجاب میں ضمنی الیکشن میں شکست دیکھ کر پاگل ہو گیا ہے رانا نثا ء اللہ پر ہیروئن کیس کی اصلیت خود پی ٹی آئی کے سابق وزراء اور میڈیا بتا رہے ہیں اور تسلیم کرتے ہیں کہ کیس جھوٹا تھا اپنے آپ کو پارسا صادق اور امین کہنے والے کپتان نے ایک بے گناہ شخص پر سیاسی مخالفت پر15کلو ہیروئن کا جھوٹا کیس بنوایا کامران یوسف گھمن نے کہا کہ عمران خان دنیا کا سب سے بڑا جھوٹا اور کرپٹ شخص ہے ۔