ملتان (سپیشل رپورٹر) 17کسی، یوسی53مین وہاڑی روڈ کے مکینوں نے احتجاج کرتے ہوئے ضلعی انتظامیہ سے مطالبہ کیاہے کہ علاقہ میں جگہ جگہ آلائشوں اور گندگی کے ڈھیر لگ چکے ہیں جس سے ملیریا اور مختلف بیماریوں کے پھیلنے کا خطرہ  بڑھ رہا ہے جبکہ ضلعی انتظامیہ کی جانب سے خاطر خواہ انتظامات نہیں ہوئے جبکہ ضلعی انتظامیہ کی جانب سے آلائشی بیگ بھی ہر علاقے میں تقسیم کئے گئے  مگر سنیٹری انسپکٹر اور سرپروائزر نے اس علاقہ میں تقسیم نہیں کئے، یوسی53وہاڑی روڈکے مکینوں نے مزید کہا کہ کرپٹ  کوفوری طور پرمعطل کرکے کوئی ایماندار اہلکارتعینات کیا جائے۔ بعدازاں اہل علاقہ نے احتجاجی مظاہرہ کرتے ہوئے کہا کہ اگر کرپٹ عناصر کے خلاف فوری کارروائی نہ ہو ئی تو ہم وہاڑی روڈ مکمل طور پر بلاک کردیں گے۔