پولیس شہداء کو جتناخراج تحسین پیش کروں کم ہے:پرویزخان عمرانی

خضدار(نامہ نگار)ڈی آئی جی خضدار پرویز خان عمرانی اور ایس ایس پی خضدار سید جاوید اقبال غرشین نے خضدار پولیس شہداء کے گھروں پر گئے وہاں ان کے لواحقین اور بچوں سے ملاقات کی اور فاتحہ خوانی کی۔ شہداء کے بچوں سے میں تحفے تحائف بھی تقسیم کیے۔ڈی آئی جی خضدار اور ایس ایس پی خضدار نے اس موقع پے کہا کہ ملکی دفاع اور قیام امن کیلئے خضدارپولیس کے وہ جوان اور افسران بھی شامل ہیں جنہوں نے صوبے کے مختلف حصوں میں ملک کی دفاع کیلئے اپنے جانوں کے نذانے پیش کیے اور ہمیشہ کیلئے امر ہوگئے۔آج ان شہداء کو جتنی بھی عقیدت اور خراج تحسین پیش کروں کم ہے۔ اس موقع پر ایس ایچ او صدر عطاء اللہ جاموٹ اور پی اے ٹو ڈی آئی جی آفتاب چٹھہ بھی افسران کے ہمراہ موجود تھے۔