لاہور(سپورٹس رپورٹر)بھارتی کرکٹ بورڈ کے عہدیدار ارون دھومال نے کہا ہے کہ بھارتی ٹیم ایشیا کپ کیلئے پاکستان نہیں جائیگی۔آئی سی سی میٹنگز کیلئے ڈربن میں موجود ارون دھومال نے کہا کہ ایشیا کپ کا شیڈول جے شاہ اور ذکاء اشرف کے درمیان ہونے والی ملاقات میں فائنل کیا گیا۔ لیگ مرحلے کے 4 میچز ہی پاکستان میں کھیلے جائیں گے جبکہ پاک بھارت میچ سمیت باقی 9 میچز سری لنکا میں ہوں گے۔انہوں نے کہا کہ پاک بھارت ٹیمیں اگر فائنل میں پہنچتی ہیں تو یہ بھی سری لنکا میں ہوگا۔ارون دھومال کے مطابق جے شاہ اور ذکاء اشرف کی ملاقات میں صرف ایشیا کپ کے شیڈول پر بات ہوئی، بھارتی ٹیم یا بھارتی بورڈ کے سیکرٹری کے پاکستان جانے کے معاملے پر بات نہیں ہوئی۔