لاہور (سپورٹس رپورٹر)پاکستان ہاکی فیڈریشن کے زیر اہتمام  بھارت کے شہر چنائے میں  3 تا 12 اگست ہونے والی ایشیئن چیمپیئنز ٹرافی میں شرکت کیلئے کھلاڑیوں کے ٹرائلز نیشنل ہاکی سٹیڈیم لاہور میں 13 تا 14 جولائی شام 4 بجے منعقد ہونگے۔نیشنل ہاکی سٹیڈیم لاہور میں جاری تربیتی کیمپ سے موجود کھلاڑیوں کا انتخاب کیا جائیگا۔ مزکورہ ٹرائلز پی ایچ ایف سلیکشن کمیٹی چیئرمین اولمپیئن کلیم اللہ خان، ممبران سلیکشن کمیٹی اولمپیئن ناصر علی،اولمپیئن رحیم خان،اولمپیئن شکیل عباسی اور انٹرنیشنل لئیق لاشاری کی زیر نگرانی ہونگے،دو روزہ ٹرائلز کے بعد پی ایچ ایف صدر بریگیڈیئر ر خالد سجاد کھوکھر کی منظوری کے بعد منتخب ٹیم کا اعلان کیا جائیگا۔