ایشین اتھلیٹکس: عبدالمعید بلوچ 400 میٹر دوڑ کے سیمی فائنل تک رسائی میں ناکام

لاہور(سپورٹس رپورٹر)ایشین اتھلیٹکس میں پاکستان کے عبدالمعید بلوچ مردوں کی 400 میٹر دوڑ میں سیمی فائنل تک رسائی میں ناکام رہے۔تھائی لینڈ میں جاری ایشین اتھلیٹکس چیمپئن شپ میں مردوں کی 400 میٹر ہیٹس میں عبدالمعید نے مقابلہ 48.18 سیکنڈز میں مکمل کی۔ وہ اپنی ہیٹ میں چھ میں سے پانچویں اور مجموعی طور پر  28 رنرز میں سے 22 ویں نمبر پر رہے اور سیمی فائنل تک رسائی میں ناکام ہوگئے۔پاکستان کے شجر عباس آج مینز  100 میٹر ہیٹس میں ایکشن میں ہوں گے۔ پاکستان کے یاسر جویلین تھرو میں ایکشن میں ہوں گے جبکہ عیشاعمران خواتین کی دوڑ میں حصہ لیں گی۔