پارہ چنارمیں دہشت گردوں کی یلغار کیخلاف پریس کلب کے سامنے احتجاج

راولپنڈی (جنرل رپورٹر ) تحریکِ نفاذِ فقہ جعفریہ اسلام آباد سٹی کے زیرِ اہتمام پارہ چنار شہر کُرم ایجنسی میں دہشت گردوں کی یلغار و لشکر اور جنگی صورتِ حال، عزاداری امام حسینؑ پر ناروا پابندیوں کے خلاف نیشنل پریس کلب اسلام آباد کے سامنے علامتی احتجاجی مظاہرہ کِیا گیا، مظاہرہ کی قیادت ٹی این ایف جے فیڈرل کیپیٹل کے صدر ذوالفقار علی راجہ، علامہ سید شبیہ الحسن کاظمی، علامہ سید فخر عباس عابدی، علامہ سید فصاحت حسین گردیزی، علامہ وقار حسین نقوی، آغا سید محمد علی شاہ کاظمی، مخدوم سید فیاض حسین شاہ کاظمی، اصغر علی المعروف اجی شاہ اور دیگر رہنماؤں نے کی، ڈی چوک میں ذوالفقار علی راجہ نے کُرم ایجنسی پارہ چنار کی صورتحال پر سخت تشویش کا اظہار کرتے ہوئے اسے اُن قوتوں کی کارستانی قرار دیا ہے جو مسلمانوں میں اتحاد و اخوت دیکھنا نہیں چاہتیں ، انہوں نے کہا کہ جو عزاداری سے ٹکرائے گا پاش پاش ہو جائے گا۔ مظاہرے سے علامہ سید فخر عباس عابدی، نعیم کاظمی اور دیگر نے خطاب کِیا۔