کو شش ہوگی دورہ میں خود کو بطور کپتان ثابت کروں : صاحبزادہ فرحان  

لاہور(سپورٹس رپورٹر)پاکستان شاہینز کے کپتان صاحبزادہ فرحان نے پریس کانفرنس کرتے ہوئے کہا ہے کہ اللہ کا شکر ادا کرتا ہوں کہ شاہین کی کپتانی ملی ۔جس طرح میری پرفامنس ہے کوشش ہے مزید پرفارم کروں۔جب لوگ بات کرتے ہیں تو خوشی ہوتی ہے سلیکٹ کرنا سلیکشن کمیٹی کا کام ہے ۔ کیمپ میں ہم نے فیلڈنگ پر بہت کام کیا ہمارے پاس اس دورے کیلئے اچھے فاسٹ بائولرز موجود ہیں، امید ہے فاسٹ بائولرز اچھا کھیلیں گے ۔ڈومیسٹک میں کپتانی کرتا آرہا ہوںجس طرح موقع ملنا چاہیے تھا ویسے موقع نہیں ملا۔ کافی وقت سے بطور اوپنر کھیلتا آیا ہوں اگر اوپننگ میں موقع ملے تو اچھا ہوگا اگر اوپننگ میں پرفارم نہ کروں تو پھر بات ہونی چاہیے۔ڈومیسٹک میں کپتانی کرنے سے ردھم ملا ہے ۔میری کوشش یہی ہے کہ اس دورے میں خود کو بطور کپتان ثابت کروں شاہینز اور انڈر 19 ٹیمز کے زیادہ میچز ہونے چاہیے میں بھی پاکستان کا کھلاڑی ہوں، چاہتا ہوں اپنے نمبر پر ہی بیٹنگ ملے تو بہت اچھا ہے کیمپ میں ہم نے ہر فارمیٹ کیلئے تیاری کی ہے۔ انگلینڈ اور آسٹریلیا کیساتھ سیریز ملے تو بہت اچھا ہے۔ سیریز شیڈول کرنا کرکٹ بورڈ کا کام ہے۔