لاہور(سپورٹس رپورٹر)پاکستان کرکٹ بورڈ نے صاحبزادہ فرحان کو دورہ آسٹریلیا کیلئے پاکستان شاہینز کا کپتان مقرر کردیا،ڈومیسٹک کرکٹ کا وسیع تجربہ رکھنے والے قومی کرکٹر صاحبزادہ فرحان بنگلہ دیش اے کیخلاف 2چار روزہ میچز میں پاکستان شاہینز کی قیادت کریں گے،پاکستان ٹیم بنگلہ دیش اے کیخلاف 2چار روزہ میچز آسٹریلیا میں کھیلے گی۔دوسری جانب سیریز کیلئے پاکستان سکواڈ میں ایک تبدیلی کی گئی ہے، حنین شاہ انجری کی وجہ سے سکواڈ سے باہر ہوگئے ہیں، انکی جگہ قاسم اکرم کو سکواڈ میں شامل کرلیا گیا ہے۔پاکستان شاہینز براستہ دبئی آج صبح آسٹریلیا روانگی جہاں سے برسبین پہنچیں گے۔ پاکستان شاہینز کے سکواڈ میں کپتان صاحبزادہ فرحان، حسیب اللہ، قاسم اکرم، محمد عرفان خان، محمد علی اور کامران غلام شامل ہیں۔کاشف علی، خرم شہزاد، مہران ممتاز، محمد حریرہ، مبصر خان، عمیر بن یوسف، شاہنواز دھانی، طیب طاہر اور عمر امین بھی سکواڈ کا حصہ ہیں۔