لاہور (نیوز رپورٹر) ڈاکٹر اے کیو خان ہسپتال ٹرسٹ(رجسٹرڈ) کے بانی ٹرسٹی و جنرل سیکرٹری ڈاکٹر شوکت بابر ورک نے کہا سچائی کسی قیمت پرجھوٹ سمیت کسی آسیب سے مغلوب نہیں ہو سکتی۔ دانستہ انصاف کاخون کرنا اور جو حق پرہیں ان کے حقوق غصب کرنا قدرت کے ہاں قابل گرفت ہے۔ ہر عہد کے فرعون اورپلیدیذید یادرکھیں روز محشر زیادہ دور نہیں۔ حسینیتؓ تاقیامت ناقابل شکست ہے۔ شب ِ ظلمت طویل ہوسکتی ہے لیکن مختلف زمانوں میں معتوب طبقات اپنی آنکھوں سے انصاف اور امید کے سورج کو ابھرتا ہوا دیکھتے آئے ہیں۔ دباؤ یاڈکٹیشن پرفلاحی اداروں پرشرپسندعناصر کے ناجائزقبضہ میں سہولت کاروں کاکرداراداکرنیوالے اپنی مجرمانہ سرگرمیوں کاحساب ضروردیں گے۔ وہ انٹرنیشنل ہیومن رائٹس موومنٹ کے مرکزی سینئر نائب صدر ناصرعباس چوہان ایڈووکیٹ کی طرف سے اپنے اعزازمیں استقبالیہ سے خطاب کررہے تھے۔ استقبالیہ میں سپریم کورٹ بارایسوسی ایشن کے سابقہ سیکرٹری اسلم زارایڈووکیٹ سمیت ممتازقانون دان اور سیاستدان بھی شریک تھے۔ عہدحاضر میں انصاف تک رسائی سہل نہیں لیکن استقامت کے بل پر راہ میں حائل رکاوٹوں کو روندا جا سکتا ہے۔ ناجائز مقدمات سے معاملات کوعارضی طورپرالجھایاجاسکتا ہے لیکن حقیقت تبدیل نہیں ہوسکتی۔