کلر سیداں (نامہ نگار)کلرسیداں کی فیملی سیر کرنے کاغان گئی تو چوروں نے لاکھوں کے طلائی زیورات نقدی اور دیگر سامان سے محروم کردیا،والی بال کا شوقین میچ دیکھنے میں مگن رہا چور اس کا موٹرسائیکل لے اڑے،نوتھیہ میں گھر میں سوئے ہوئے میاں بیوی کے موبائل فونز بھی چوری کر لیئے گئے،ارسلان وحیدسکنہ چوکپنڈوری نے مقدمہ درج کروایا کہ میں دوستوں کے ہمراہ ناران کاغان گیا ہوا تھا میری فیملی میرے سسرال گئی ہوئی تھی جب واپس آئے تو دیکھا میری بیوی کے کمرے کا تالا ٹوٹا ہوا تھا کمرے کے لاکر سے رقم مبلغ تین لاکھ روپے، ایک جوڑی کانٹے بمعہ ایک عدد زنانہ انگوٹھی مالیتی دو لاکھ 60ہزار روپے غائب تھے جنہیں نامعلوم ملزمان چوری کر کے لے گئے ہیں۔نصرت  شاہین نے مقدمہ درج کروایا کہ گزشتہ روز ہماری دوسری حویلی سے پانی والی موٹر چوری کر لی گئی ہے جبکہ دوسرے دن تین نامعلوم افراد نے ہمارے مال مویشی چوری کرنے کی کوشش کی۔چوری کے ایک او ر واقعہ میں بشندوٹ کے علاقے میں والی بال میچ دیکھنے کیلئے جانے والے سمیع اللہ نامی نوجوان کو موٹر سائیکل سے محروم کر دیا گیاجبکہ نوتھیہ میں رات کو سوتے ہوئے میاں بیوی کے موبائل فونز اڑا لئے گئے۔