اسلام آباد ( وقائع نگار ) ملک سے دہشتگردی کے خاتمے کیلئے پاک فوج کے ساتھ ہیں آپریشن عزم استحکام انتہائی ضروری ہے۔ حضرت مسلم بن عقیل کی قربانی ہر محب اہل بیت کے دل پر نقش ہے ان خیالات کا اظہار پیر سید عنایت علی شاہ کاظمی گدی نشین دربار سخی شاہ چن چراغ بادشاہ نے دربار سخی اجی مبارک شاہ جی 14 تھری ٹھلہ سیداں اسلام آباد میں عشرہ محرم کے حوالے سے منعقدہ مقام اہل بیت کانفرنس سے خطاب میں کیا۔اس موقع پر ملک شفقت رضا شفقت قلب عباس یاسر ملک ضمیر حسین علی عمران قمر عباس نقوی سید زین علی حیدر المعروف مون شاہ سید حسنین علی حیدر ایڈووکیٹ سید ذوالقرنین علی حیدر سید وصی علی حیدر ایڈووکیٹ سید عرفان حیدر نقوی مقصود حسین جعفری نے ذکر محمد وآل محمد بیان کیا۔ پیر سید عنایت علی شاہ کاظمی نے کہا کہ پاک اہل بیت نے مخلوق خدا کی خدمت اور محبتیں بکھیرنے کا درس دیا اسلام امن و امان انسانیت کے احترام اور معاشرتی عدل و انصاف کا دین ہے جہاں حیوانات و نباتات کی فلاح و بہبود کا بھی خیال رکھا جاتا ہے عالم اسلام کے خلاف تشکیل دئیے جانے والے مغالطوں اور مفروضوں پر مبنی پالیسیوں پر نظر ثانی کی ضرورت ہے آخر میں پیر سید عنایت علی شاہ کاظمی کے والدین زوجہ مرحومہ کے بلند درجات ہمشیرہ کی صحت یابی وطن عزیز اور عالم اسلام کے لیے خصوصی دعا کرائی گئی۔