فٹبال ورلڈکپ کے گروپ سی میں آج پہلا مقابلہ جنوبی افریقہ کے شہر پولوکوین میں الجیریا اور سلوانیا کے درمیان ہو گا، یہ میچ پاکستانی وقت کے مطابق شام ساڑھے چار بجے شروع ہو گا۔ ٹورنامنٹ کے گروپ ڈی میں شامل سربیا اور گھانا کی ٹیمیں پریٹوریا میں ایک دوسرے کے خلاف صف آرا ہوں گی، یہ میچ پاکستانی وقت کے مطابق شام سات بجے شروع ہو گا۔ ڈربن کے موزِز مابنڈا سٹیڈیم میں ایونٹ کے گروپ ڈی کےدوسرے اہم میچ میں سابق عالمی چیمپئن جرمنی کا مقابلہ آسٹریلیا سے ہو گا، یہ میچ پاکستانی وقت کے مطابق رات ساڑھے گیارہ بجے شروع ہو گا۔