کراچی(کرائم رپورٹر)کراچی میں فائرنگ اور پرتشدد واقعات میں خاتون سمیت دو افراد جاں بحق ہوگئے۔ پولیس اور سی پی ایل سی نے مشترکہ کارروائی میں چار ملزمان کو گرفتار کرلیا۔ تفصیلات کے مطابق عوامی کالونی میں ٹمبر مارکیٹ سے ایک شخص کی نعش ملی ہے۔ پولیس کے مطابق مقتول کو گولیاں مار کر قتل کیا گیا۔ ادھر بلدیہ ٹائون سے خاتون کی بوری بند نعش ملی ہے۔ کورنگی عوامی کالونی پولیس اور سی پی ایل سی نے مشترکہ کارروائی کرتے ہوئے مختلف جرائم میں ملوث چار ملزمان گرفتار کرلیے ہیں۔ پولیس کے مطابق ملزمان کے قبضے سے اسلحہ اور مسروقہ سامان برآمد ہوا ہے۔
کراچی 2 ہلاک