پرویزرشیداخلاقی،سیاسی اورنظریاتی پیمانے پرپورانہیں اترتے, پارٹی غداروں نےن لیگ پرسیکولرنظریہ مسلط کیا:چوہدری نثار

سابق وزیر داخلہ اور مسلم لیگ ن کے سینئر رہنما ء چوہدری نثار نے اپنی توپوں کا رخ  تبدیل کرتے ہوئے اب پرویز رشید کی طرف کر دیاہے اور کہاہے کہ اگر ان کی کرتوتیں بے نقاب ہو جائیں تو سر شرم سے جھک جائیں ۔  گزشتہ روز پرویز رشید نے چوہدری نثار پر تنقیدکرتے ہوئے کہا تھا کہ چوہدری نثار کی سازش ناکام بنانے کیلئے میں نے وزارت چھوڑی ، چوہدری نثار مجھے نوازشریف سے دور نہیں کر سکتے ، مریم نواز نے پارٹی کو سہارا دیا جب چوہدری نثار غداری کر رہے تھے۔ انہو ںنے کہا کہ چوہدری نثار نے ن لیگ کی اینٹیں لگائیں نہ ہی چوری کر سکے۔جس پر اب چوہدری نثار  نے پرویز رشید کو آڑے ہاتھوں لیتے ہوئے اپنے بیان میں کہا ہے کہ پر ویز رشید کے کرتوت بے نقاب ہو جائیں تو سر شرم سے جھک جائیں گے ، پرویز رشید نے پارٹی میں خوش آمدی کو منشور کا حصہ بنایا ہے اور پرویز رشید جیسے لوگ خوش آمد کی بد ترین مثال ہیں ۔انہوں نے کہا کہ پارٹی غداروں نے(ن) لیگ پرسیکولرنظریہ مسلط کیااور ن لیگ کو فیملی پارٹی بنانے کے مشورے دیئے ، پرویزرشیداخلاقی،سیاسی اورنظریاتی پیمانے پرپورانہیں اترتے۔