لاہور(سپورٹس ڈیسک )دنیا کے 100 سب سے زیادہ معاوضہ حاصل کرنے والے کھلاڑیوں کی فہرست فاربس نے جاری کردی تاہم اس میں صرف ایک کرکٹر ہی موجود ہے۔ فہرست کے مطابق بھارتی کپتان ویرات کوہلی کی گزشتہ 12 ماہ کے دوران آمدنی 2.5 کروڑ ڈالر تھی۔اس فہرست میں ان کا آخری نمبر تھا جبکہ گزشتہ سال وہ اس فہرست میں 83ویں نمبر پر تھے۔سرفہرست بارسلونا اور ارجنٹینا کے سٹار فٹبالر لیونل میسی تھے جن کی گزشتہ 12 ماہ کے دوران آمدنی 12.7 کروڑ ڈالر تھی۔فہرست میں دوسرے نمبر پر کرسٹیانو رونالڈو تھے جن کی آمدنی 10.9 کروڑ ڈالر تھی جبکہ تیسرے نمبر پر برازیلین فٹبالر نیمار تھے۔فہرست میں چوتھے نمبر پر باکسر کنیلو الواریز جبکہ پانچویں نمبر پر ٹینس سٹار راجر فیڈرر تھے۔فہرست میں واحد خاتون اتھلیٹ سرینا ولیمز تھیں جن کا نمبر 63واں تھا۔