لاہور (نامہ نگار) دھرم پورہ کے علاقے میں ایک گھر کی خستہ حال چھت گرنے سے ملبے تلے دب کر ایک خاتون سمیت تین افراد زخمی ہو گئے ہیں۔ بتایا جاتا ہے کہ دھرم پورہ کے علاقے میں ایک بوسیدہ مکان کی چھت اچانک زوردار دھماکے سے زمین بوس ہو گئی۔ جس سے ملبے تلے دب کر 50 سالہ ممتاز، 22 سالہ احمد اور نازیہ بی بی شدید زخمی ہوگئی۔ اطلاع ملنے پر ریسکیو ٹیموں نے موقع پر پہنچ کر زخمیوں کو ملبے سے نکال کر طبی امداد کے لیے ہسپتال منتقل کر دیا ہے۔