گلگت: ایل او سی کراس کرتے 2 بھارتی جاسوس گرفتار

گلگت (نامہ نگار) گلگت بلتستان میں پاکستانی بارڈر کراس کرتے ہوئے پاکستانی سیکیورٹی فورسز نے انڈیا کے 2 جاسوس گرفتار کر لئے اس بات کا انکشاف ایس ایس پی گلگت راجہ میرزہ حسن نے یہاں ایک پریس بریفنگ کے دوران گرفتار ہونے والے دونوں مبینہ جاسوسوں کو میڈیا کے سامنے پیش کرتے ہوئے کیا۔لائن آف کنٹرول پر پکڑے جانے والے نور محمد وانی اور اس کے ساتھی فیروز احمد لون نے میڈیا کے سامنے بیان دیتے ہوئی جاسوسی کا اعتراف کر لیااور انڈین اعلی حکام کی طرف سے جاسوسی کے لئے ڈرا دھمکاکر مجبور کرنے کی تفصیل بیان کی۔دونوں جاسوسوں کا تعلق بانڈی پورہ جموں کشمیر سے بتایا جاتا ہے۔