چین نے کوروناوائرس اورٹڈی دل کے حملے سے نمٹنے کے لئے پاکستان کو مکمل معاونت کی یقین دہانی کرائی ہے۔یہ یقین دہانی پاکستان میں چین کے سفیریائوجنگ نے اسلام آباد میں ہنگامی امدادی ادارے کے چیئرمین لیفٹیننٹ جنرل محمدافضل سے ملاقات میں کروائی۔انہوں نے کوروناوائرس اورٹڈی دل کی صورتحال پرتبادلہ خیال کیا۔چین کے سفیرنے کہا کہ ان کاملک ٹڈی دل کے خاتمے کیلئے مزید سپرے کرنے والے آلات اور کیمیائی ادویات فراہم کریگا۔چیئرمین این ڈی ایم اے نے چینی سفیرکو پاکستان میں پلازمہ مشینوں کی ضرورت سے آگاہ کیا۔انہوں نے آزمائش کی اس گھڑی میں بھرپورتعاون کرنے پرچین کی حکومت اور عوام کا شکریہ ادا کیا۔