یوئیفا یورپیئن چیمپئن شپ ‘ افتتاحی میچ میںاٹلی نے ترکی کو شکست دیدی 

لاہور(سپورٹس ڈیسک) یورپیئن فٹ بال چیمپئن شپ کے افتتاحی میچ میں اٹلی نے ترکی کو 0-3 سے ہرا دیا۔ اولمپک سٹیڈیم اٹلی میں کھیلے گئے افتتاحی میچ میں میزبان ٹیم اٹلی نے ترکی کوصفر کے مقابلے میں تین گول سے شکست دی۔ پہلے ہاف میں دونوں ٹیموں کے درمیان میچ بغیر کسی گول کے برابر رہا۔ 53 ویں منٹ میں ترکی کے میریح ڈیمیرل نے اون گول کرکے اٹلی کو برتری دلا دی۔ فاتح ٹیم کی طرف سے دوسرا گول سیرو اموبائل نے 66 ویں جبکہ تیسرا گول لورینزو انسائن نے 79 ویں منٹ میں سکور کیا۔ ترکی کی ٹیم کوئی گول سکور نہ کر سکی۔