پاکستان سپر لیگ: اسلام آباد یونائیٹڈ، لاہورقلندرز، ملتان سلطانز، پشاور زلمی، آج مد مقابل

لاہور(سپورٹس رپورٹر)پاکستان سپر لیگ 6کے سلسلہ میں آج دو میچ کھیلے جائیں گے ۔ آج پہلے میچ میں اسلام آباد یونائیٹڈ اور لاہور قلندرز  کی ٹیمیں مد مقابل ہونگی ۔ میچ پاکستانی وقت کے مطابق شام چھ بجے شروع ہو گا۔اسلام آباد یونائٹیڈ کی کپتانی شاداب خان جبکہ لاہور قندرز کی قیادت سہیل اختر کریں گے ۔ لاہور قلندرز کی ٹیم پہلے ہی پلے آف مرحلے کیلئے کوالیفائی کر چکی ہے ۔ وہ دس پوائنٹس کیساتھ سر فہرست ہے ۔ دوسرے میچ میں ملتان سلطانز اور پشاور زلمی کی ٹیمیں مد مقابل ہونگی ۔ یہ میچ رات 9بجے شروع ہوگا۔ کل 14 جون کو ایک میچ کھیلا جائے گا جس میں اسلام آباد یونائیٹڈ اور کراچی کنگزکی ٹیمیں مد مقابل ہونگی ۔ کوئٹہ گلیڈی ایٹرز کے ویسٹ انڈین کھلاڑی آندرے رسل کے ہسپتال میں ٹیسٹ کلیئر آگئے۔ انہیں اسلام آباد یونائیٹڈ کیخلاف بیٹنگ کے دوران ہیلمٹ پر گیند لگی تھی۔ابوظہبی میں کھیلے گئے پاکستان سپر لیگ کے 18ویں میچ میں بیٹنگ کے دوران گیند لگنے کے بعد آندرے رسل نے بیٹنگ جاری رکھی تھی تاہم انہوں نے فیلڈنگ نہیں کی تھی۔ ہسپتال منتقل کرنے کے بعد ان کے ٹیسٹ لئے گئے جس کے بعد وہ واپس ہوٹل آگئے۔ویسٹ انڈین کرکٹر کی جگہ نسیم شاہ کو بطور کنکشن ری پلیسمنٹ فیلڈ میں اتارا گیا تھا۔ڈاکٹر ز نے کھیلنے کیلئے فٹ قرار دیدیا ۔ تاہم انہیں آرام کی غرض سے گزشتہ روز میچ میں شامل نہیں کیاگیا ل