ابوظہبی: قومی کرکٹر حسن علی پاکستان سپر لیگ 6 کے بقیہ میچوں میں حصہ نہیں لے سکیں گے۔
تفصیلات کے مطابق اسلام آباد یونائیٹڈ کے فاسٹ باؤلر حسن علی خاندانی وجوہات کی بناء پرپاکستان واپس آ رہے ہیں، وہ پاکستان سپر لیگ (پی ایس ایل) سیزن 6 کے بقیہ میچوں میں شرکت نہیں کر سکیں گے۔
فاسٹ باؤلرحسن علی نے اپنے جاری کردہ بیان میں کہا کہ بدقسمتی سے مجھے کچھ ذاتی وجوہات کی بناء پر خود کو پی ایس ایل 6 سے دور کرنا پڑا، کچھ چیزیں کرکٹ سے زیادہ اہم ہیں اور فیملی سے زیادہ کوئی بھی اہم بات نہیں ہے۔
