باغ(نامہ نگار)تعلیمی بورڈ میرپور کے زیر اہتمام آل آزاد کشمیر انٹر کالجیٹ کرکٹ ٹورنامنٹ میں اسپرنگ فیلڈ کالج باغ نے پہلی پوزیشن حاصل کرکے ونر اپ شیلڈ حاصل کی۔آزاد کشمیر بھر میں کرکٹ کے شائقین نے ادارہ کے طلباء اور انتظامیہ کو مبارک باد پیش کی۔ اس موقع پر پرنسپل ادارہ محمد خالد کھوکھر نے تمام کھلاڑیوں اور ان کے کوچ کو مبارک باد پیش کی اور اس عزم کا اظہار کیا کہ وہ ان شاء اللہ آئیندہ بھی شاندار کارکردگی کا مظاہرہ کریں گے۔
انہوں نے چیئرمین بورڈ پروفیسر قاضی محمد ابراہیم  اور ڈائریکٹر سپورٹس سردار طارق اکبر کا بھی شکریہ ادا کیا جن کی کاوشوں سے کرونا کے بعد آذاد کشمیر کے کھیل کے میدان آباد ہوئے۔