میرے کیریئر کو بنانے والے  عامر لیاقت تھے: فہد مصطفی 

کراچی (آئی این پی ) معروف اداکار و میزبان فہد مصطفی نے کہا ہے کہ ان کے گیم شو کا کیریئر عامر لیاقت حسین کی وجہ سے شروع ہوا۔حال ہی میں فہد مصطفی نے اپنی نئی فلم کے ٹریلر کے لانچ کی تقریب میں میڈیا سے گفتگو کرتے ہوئے کہا کہ وہ عامر لیاقت حسین کے مداح ہیں اور ان کے دل میں ہمیشہ مرحوم کیلئے عزت اور پیار رہا۔فہد مصطفی نے کہا کہ عامر لیاقت حسین صاحب ہمارے لیے ایک ایسی مثال تھے جن کے انداز کو ہر کوئی نقل کرنا چاہتا تھا۔اداکار نے کہا کہ شوز کے حوالے سے میرا جو کیریئر ہے، وہ صرف اور صرف عامر لیاقت حسین کی وجہ سے شروع ہوا لیکن انہوں نے اپنی زندگی کے آخری دنوں میں بہت مشکل وقت دیکھا۔