نئی ہاررکامیڈی فلم ’’لفنگے‘‘ عید قربان پر ریلیز ہوگی

کراچی (کلچرل ڈیسک)پاکستانی فلمی صنعت کی نئی ہارر کامیڈی فلم " لفنگے " کا ٹریلر پنجاب فلم سنسر بورڈ نے سنسر کردیا ہے جس کے بعد فلم کی باقاعدہ تشہیری مہم کا آغاز کردیا گیا ہے۔ عبدالخالق خان کی ڈائریکشن میں بنی لفنگے فلم کی سٹار کاسٹ میں عہد حاضر کے مقبول فنکار سمیع خان ، نازش جہانگیر ، عمران مانی ، سلیم معراج اور مبین گبول سمیت دیگر شامل ہیں جو ایک ایسے گھر کے مکین بنتے ہیں جہاں بھوتوں کا بسیرا ہوتا ہے۔۔ فلم کی کہانی خوف ، سسپنس اور کامیڈی کے تڑکے سے بھرپور ہے جسے تمام فنکاروں کی دلچسپ کردار نگاری نے چار چاند لگا دئیے ہیں۔ ڈسٹری بیوشن کلب کے ایگزیکٹو ڈائریکٹر شیخ عابد رشید نے بتایا کہ " لفنگے "  ایک منفرد موضوع کی حامل معیاری فلم ہے جس نے ٹریلر نے ریلیز ہوتے ہی شائقین کی توجہ سمیٹ حاصل کر لی ہے اور عید قربان پر "لفنگے" اپنے منفرد موضوع اور جاندار کہانی کے باعث شائقین کیلئے پرفیکٹ عید گفٹ ثابت ہوگی۔