کراچی (اسپورٹس رپورٹر) پاکستان ڈے اسٹریٹ چلڈرن کرکٹ ٹورنامنٹ الفتح لانڈھی کلب  نے جیت لیا۔ پاکستان ڈے اسٹریٹ چلڈرن کرکٹ ٹورنامنٹ 2022 کا افتتاح مہمان خصوصی منیب ہاشمی  چیف کوآرڈینیٹر یوتھ اسمبلی آف ہیومن رائٹس کراچی ڈویڑن نے القمر رینجرز کرکٹ گراؤنڈ لانڈھی میں گیند کو ہٹ لگا کر کیا۔اس موقع پر چیف آرگنائزر محمد عرفان خان،محمد الطاف حسین،صادق عنایت،عاطف حسین،تبسم مرزا اور کھلاڑیوں کی بڑی تعداد موجود تھی۔ ٹورنامنٹ میں 6 ٹیموں الفتح لانڈھی اسٹریٹ چلڈرن  کرکٹ کلب،القمر رینجر اسٹریٹ چلڈرن  کرکٹ کلب،راشد لطیف اسٹریٹ چلڈرن،نسیم حمید اسٹریٹ چلڈرن کرکٹ کلب،عنصر یونین اسٹریٹ چلڈرن اور جاوید میاں داد اسٹریٹ چلڈرن نے شرکت کی۔فائنل تقریب کے مہمان خصوصی سینئر وائس چیئرمین پاک سرزمین پارٹی اشفاق منگی،سید سیف الدین خالد سابق ممبر  صوبائی اسمبلی آف سندھ،اعجاز احمد صدیقی ایریا مینیجر اسٹیٹ لائف آف پاکستان،راشد اللہ خان،خالد نور  مرکزی صدر اے این آئی پاکستان و صدر سنی اتحاد کونسل کراچی ڈویڑن اور دیگر سیاسی و سماجی رہنما اور کھلاڑیوں کی بڑی تعداد موجود تھی۔اشفاق منگی نے کہا کہ کھیلوں کے ذریعے اسٹریٹ چلڈرن نوجوانوں کو مثبت سرگرمیوں کی طرف راغب کیا جا سکتا ہے انہوں نے کہا کہ پاکستان میں کرکٹ کو بہت زیادہ پسند کیا جاتا ہے اگر نوجوانوں کو موقع فراہم کیا جائے تو دہی علاقوں سے نیا ٹیلنٹ سامنے آئے گا ۔مہمان خصوصی اشفاق منگی نے ونر الفتح لانڈھی اسٹریٹ چلڈرن کرکٹ کلب کے کپتان کو رنراپ ٹرافی راشد لطیف اسٹریٹ چلڈرن کرکٹ کلب کے کپتان کو دی جبکہ تیسری پوزیشن کے ٹرافی القمر رینجر اسٹریٹ چلڈرن کرکٹ کلب کے کپتان کو دی۔