لاہور( نیوز رپورٹر ) بچوں اور بڑوں کے پسندیدہ ڈرامے "عینک والا جن" کا خصوصی شو گزشتہ روز الحمرا ہال نمبر ایک میں منعقد ہوا۔مہمان خصوصی الحمرا کے سابق چیئرمین، کالم نگار اور شاعر عطاالحق قاسمی، ایگزیکٹوڈائریکٹر الحمرا محمد سلیم ساگر تھے۔ ممتاز شاعر و کالم نگار پروفیسر ناصر بشیر ،ٹی وی کمپئر فائزہ بخاری،شاعر عزیر احمد،محمد علی شہزاد اور فرزانہ پیرزادی کو بھی خصوصی طور پر مدعو کیا گیا تھا۔ یہ شو سیکڑوں بچوں اور ان کے والدین نے دیکھا۔اداکار حسیب پاشا المعروف ہامون جادوگر، جمال پاشا، کاظم امام اور ابن زکوٹا ولید مطلوب اور دیگر فنکاروں کی بہترین اداکاری کو حاضرین نے خوب سراہا۔