حکمہ صحت سندھ نے 20 سے زائد اضلاع میں فوکل پرسن تعینات کر دیئے۔

سمندری طوفان بائپرجوائے کے پیش نظر محکمہ صحت سندھ نے 20 سے زائد اضلاع میں فوکل پرسن تعینات کر دیئے۔ فوکل پرسن محکمہ صحت اور دیگر اداروں سے معاونت کریں گے۔محکمہ صحت سندھ کے مطابق ایمرجنسی کی صورت میں 4 ہزار 739 ڈاکٹر آن الرٹ ہیں اور 12 ہزار سے زائد پیرا میڈیکل اسٹاف کو الرٹ کر دیا گیا۔ محکمہ صحت نے کہا کہ ریسکیو 1122 کی کل 322 ایمبولینس روڈ پر موجود ہیں، تمام اسپتالوں میں ضروری اقدامات کر لیے گئے ہیں۔سندھ کے محکمہ صحت کا یہ بھی کہنا ہے کہ کنٹرول روم ڈائریکٹر جنرل ہیلتھ کے آفس میں بنایا گیا ہے۔