ٹرائنویو پرائیویٹ لمیٹڈ کے زیر اہتمام سائبر سکیورٹی آگاہی سیمینار  

لاہور(کامرس رپورٹر) ٹرائنویو پرائیویٹ لمیٹڈ نے کنگڈم گروپ اور کنگڈم ویلی کے تعاون سے ایک اہم سماجی پروگرام کا انعقاد کیا۔ سائبر سکیورٹی آگاہی سیمینار کا انعقاد سرینا ہوٹل، اسلام آباد میں ہوا جہاں ایف آئی اے کے افسران کی موجودگی میں سائبر سکیورٹی تحقیقاتی مہم اور ای لرننگ پلیٹ فارم کا افتتاح بھی کیا گیا۔ اس پلیٹ فارم پر سائبر سکیورٹی، ویب ڈیزائن، اور کلاؤڈ کمپیوٹنگ جیسے ٹیک ریلیٹڈ کورسز فراہم کیے جائینگے۔ ایف آئی اے کی جانب سے اکرم مغل (ڈپٹی ڈائریکٹر نیٹ ورک سکیورٹی سی سی ڈبلیو) اور آیاز خان (ایڈیشنل ڈائریکٹر آپریشنز ایف آئی اے) نے شرکت کی اور اپنی تفصیلی تقاریر میں سائبر کرائم اوّیرنیئس کی اہمیت اور عوام کو درپیش سائبر کرائم جیسے مسائل اور ان کے حل کے بارے میں بات کی۔ اس تقریب میں غلام حسین شاہد، کنگڈم گروپ اور کنگڈم ویلی کے چیئرمین نے بھی شرکت کی۔