اٹھمقام کے قریب دریائے نیلم میں گرنے والی جیپ کریم آباد کے مقام پر دریا سے مل گئی۔ ریسکیوحکام کے مطابق جیپ سے مزید 8افراد کی لاشیں نکال کر ہسپتا ل منتقل کر دی گئیں ، ڈپٹی کمشنر نے کہا کہ مجموعی طور پر 14افراد کی لاشیں نکالی جا چکی ہیں۔ ڈپٹی کمشنر نے مزید بتایا کہ لاپتہ تین افراد کی تلاش جاری ہے۔واضح رہے کہ چار روز قبل کیل سے تابٹ جانے والی مسافر جیپ کو کریم آباد کے مقام پر حادثہ پیش آیا تھا ، جس میں 6افراد کی لاشیں اسی دن نکالی گئی تھیں۔