کراچی میں ہونے والے واقعات میں گارڈن شومارکیٹ میں فائرنگ میں دو افراد، سائٹ غنی چورنگی میں ایک شخص جبکہ سپرہائی وے اور ملیر میں ایک ایک شخص ہلاک ہوا۔ نامعلوم افراد کی فائرنگ سے اورنگی ٹاؤن میں امام مسجد سمیت دو افراد ہلاک ہوئے، کھارادر میں پیپلزامن کمیٹی کے دفتر کو نذر آتش کیا گیا۔ جس کے بعد لی مارکیٹ بولٹن مارکیٹ رنچھوڑلائن اوردوسرے علاقوں میں کاروبارزندگی معطل ہوگیا ۔کھارادرکے واقعات کے بعد گلستان جوہرمیں فائرنگ کے نتیجے میں مدثر چیف کے بھائی سمیت دوافراد جبکہ ایک بارہ سالہ بچہ بھی ہلاک ہوا، واقعہ کے بعد پہلوان گوٹھ اور گلستان جوہر میں صورتحال انتہائی کشیدہ ہوگئی اورعلاقہ میں خوف وہراس پھیل گیا۔ لیاقت آباد میں سپرمارکیٹ کے قریب فائرنگ کرکے ایک شخص کو ہلاک کر دیا گیا جبکہ پولیس اسٹیشن گارڈن کے علاقےمیں بھی دو افراد کو ہلاک کیا گیا ہے۔