ہنگوکے علاقہ مامو خوڑ میں نامعلوم افراد نے مسافر کوچ پرفائرنگ کردی جس کے نتیجے میں آٹھ مسافر جاں بحق اورسات افراد زخمی ہوگئے ہیں ،جاں بحق ہونے والوں میں خواتین اوربچے بھی شامل ہیں۔تاہم ابھی یہ معلوم نہیں ہوسکا کہ فائرنگ کرنے والے کون تھے ۔زخمیوں کو فوری طبی امداد کے لیے قریبی ہسپتال منتقل کردیا گیا ہے ۔ واضح رہے کہ ایک ہفتہ قبل بھی پارہ چنارسے پشاور جانے والی گاڑی پر اسی علاقے میں نامعلوم افراد کی فائرنگ سے چارافراد جاں بحق ہوگئے تھے۔