کواپرا آرٹ گیلری میں پینٹنگز شو

لاہور (کلچرل رپورٹر) کواپرا آرٹ گیلری نے پینٹنگز کے گروپ شو کا اہتمام کیا ہے جس کی افتتاحی تقریب گزشتہ روز منعقد ہوئی جس میں معروف آرٹسٹ محمد جاوید، ڈاکٹر اعجاز انور، سلمان صوفی، اکرام چغتائی اور ڈاکٹر عمران افضل سمیت آرٹ لورز کی بڑی تعداد نے شرکت کی۔ نمائش میں جن فنکاروں کے فن پارے رکھے گئے ہیں ان میں ڈاکٹر اعجاز انور، اسد فاروقی، امجد نعیم، بنیا علی، فریدہ فاطمہ، ایم ایس علوی اور حفصہ بتول شامل ہیں۔ نمائش 22 مارچ تک جاری رہے گی۔