آرمی چیف جنرل قمر جاوید باجوہ سے منگل کو یہاں جی ایچ کیو میں کرغزستان کی مسلح افواج کے  چیف آف جنرل سٹاف میجرجنرل رحیم بردی دوشنبیو نے ملاقات کی ۔آئی ایس پی آر کے مطابق ملاقات میں دونوں ممالک کی افواج کے درمیان تعلقات،علاقائی سیکورٹی صورتحال سمیت باہمی دلچسپی امور کے علاوہ  باہمی دفاعی تعاون کو مزید بڑھانے  پر تبادلہ خیال کیا گیا۔اس سے قبل جی ایچ کیو آمد پر کرغزستان کے چیف آف جنرل سٹاف نے یادگار دشہداء پر پھول چڑھائے ،پاک فوج کے چاک و چاپند دستے نے مہمان کو گارڈ آف آنر پیش کیا۔