فلپائن کے صدر روڈریگو ڈوئیرٹوتے نے نوول کرونا وائرس کیخلاف چین کی کوششوں کی تعریف کی ہے۔ انہوں نے کہاہے کہ صدر شی جن پھنگ کی طاقتور قیادت میں چین نوول کرونا وائرس کو شکست دے گا۔فلپائن میں چین کے سفیر ہوانگ شیلیان سے ملاقات کے دوران ڈوئیرٹو نے چینی شہریوں کیلئے ہمدردی کا اظہار کیا اور اس اعتماد کا اظہار کیا کہ صدر شی جن پھنگ کی طاقتور قیادت میں چین نوول کرونا وائرس کو شکست دے گا۔ڈوئیرٹو نے کہاکہ رواں سال دونوں ممالک کے سفارتی تعلقات کی 45ویں سالگرہ ہے۔ فلپائن چین کے ساتھ مختلف شعبوں میں تعلقات مزید مستحکم کرنا چاہتا ہے۔ہوانگ نے وبا کے دوران فلپائن کی حکومت اور عوام کی جانب سے اظہار یکجہتی کرنے کی تعریف کی اور کہاکہ اگر فلپائن کو ضرورت پڑی تو چین مدد کرنے کیلئے تیار ہے۔