وزیراعظم عمران خان کی صدارت میں قومی سلامتی کمیٹی کے اجلاس میں ملک کے تمام تعلیمی ادارے آئندہ ماہ کی پانچ تاریخ تک بند رکھنے کا فیصلہ کیا گیا ہے۔
یہ بات تعلیم اور پیشہ ورانہ تربیت کے وزیر شفقت محمود نے آج ایک ٹویٹ میں کہی۔ اس فیصلے کا اطلاق تمام سرکاری اور نجی تعلیمی اور پیشہ ورانہ تربیت کے اداروں اور مدارس پر ہو گا۔وفاقی وزیر نے کہا کہ وزارت تعلیم ملک میں تمام تعلیمی اداروں کی بندش کے حوالے سے رواں ماہ کی ستائیس تاریخ کو صورتحال کا جائزہ لے گی جس کے بعد مزید فیصلے کئے جائیں گے۔
