2مکانوں کی چھت گرنے سے ایک خاتون جاں بحق‘4افرادزخمی

فیروزوالا( نامہ نگار) دو مکانوں کی چھت گرنے سے ایک خاتون جاں بحق، باپ بیٹی سمیت چار افراد زخمی ہو گئے ۔ بتایا گیا ہے کہ لاہور شرقپور روڈ پر واقع گائوں بلڑکے میں مکان کی چھت پر مٹی ڈال رہے تھے کہ اچانک زیادہ بوجھ ہو جانے کے باعث چھت گر گئی جس کے نتیجہ میں جواں سالہ خاتون زاہدہ بی بی جاں بحق اور اس کا شوہر یوسف اور بیٹی طیبہ زخمی ہو گئی ۔ ان کو ریسکیو اور مقامی لوگوں نے جدو جہد کرکے باہر نکالا اور ہسپتال داخل کروا دیا۔ نواحی بستی معمرہ ٹائون میں ایک ڈیرے کی چھت گرنے سے 2افراد فریاد علی اور محمود احمدزخمی ہو گئے ۔