لاہور(سپورٹس رپورٹر)پاکستان ویمن کرکٹ ٹیم ٹاؤرنگا سے ہملٹن پہنچ گئی۔قومی ویمن ٹیم آئی سی سی ویمن ورلڈ کپ میں اگلا میچ 14 مارچ کو بنگلا دیش کیخلاف کھیلے گی۔پاکستان ویمن ٹیم 21 مارچ کو ویسٹ انڈیز کے خلاف میچ کھیلے گی۔بھارت نے ویسٹ انڈیز کو 155رنز کے بھاری مارجن سے شکست دیدی ۔ بھارتی ویمنز ٹیم نے 8وکٹوں پر317رنز بنائے ۔ سمریتی مندھانا نے 123اور ہرمن پریت کور نے 109رنز بنائے ۔ انیسہ محمد نے دو کھلاڑیوں کو آئوٹ کیا ۔ ویسٹ انڈین ویمنز ٹیم 162رنز پر ڈھیر ہو گئی ۔ سات کھلاڑی ڈبل فگر میں بھی داخل نہ ہوسکیں ۔ دیندرا دوٹن نے62اور ہیلے میتھیوز نے 43رنز بنائے۔ سنہیہ رانا نے تین کھلاڑیوں کو آئوٹ کیا ۔ سمریتی مندھانا کو میچ کی بہترین کھلاڑی قرار دیاگیا ۔ نیوزی لینڈ اور آسٹریلیا کی ویمنز ٹیمیں آج ولنگٹن میں صبح تین بجے مدمقابل ہونگی ۔