سری لنکا میں بدترین معاشی  بحران، روٹی خریدنا محال ہوگیا

کولمبو (این این آئی) سری لنکا میں خوراک کے بحران نے شدت اختیار کرلی، سری لنکن شہری روٹی اور دودھ کو ترسنے لگے۔غیر ملکی میڈیا کے مطابق سری لنکا میں شہریوں میں سونے سے زیادہ دودھ خریدنا مشکل ہوگیا کیوں کہ ملک بھر میں خوراک کا شدید بحران پیدا ہوگیا ہے۔سری لنکا میں گیس کی شدید قلت وجہ سے بیکریاں بند ہوچکی ہیں جس کے باعث روٹی کی قیمتیں آسمان کو چھونے لگی ہیں حتیٰ کہ لوگوں کے کھانوں سے مرغی بھی غائب ہوچکی ہے اور قیمتوں میں ہوشربا اضافے کے باعث کو چکن اب صرف ایک پْرتعیش کھانا شمار کیا جاتا ہے۔
سری لنکا بحران